قريت قصة حياة لاعب اسمه ” آرثر آش ” و آرثر لاعب تنس عالمي كان مصنف الأول علي الع…

on April 8 | in ArT-FaCe | by | with No Comments

‫قريت قصة حياة لاعب اسمه " آرثر آش " و آرثر لاعب تنس عالمي كان مصنف الأول علي العالم .. كان لاعب محترف جدا و مشهور جدا و فاز ببطولات عالمية كتير جدا …
سنة 1983 أصيب آرثر بمرض الإيدز بسبب نقل دم ملوث ليه و هو بيعمل عملية قلب مفتوح ..
و خلال فترة مرضه دي كان بيتلقي رسائل كتير من محبيه و معجبينه..
و في مرة جاتله رسالة من أحد معجبينه بيسأله فيها : " اشمعني انت بالذات ربنا اختارك للمرض الوحش دا ؟؟! "
فكان رد آرثر " يبدأ أكتر من 50 مليون طفل بلعب التنس في العالم منهم 5 مليون بيتعلموا التنس و يبدأ اللعب باحتراف أكتر من 50 ألف و حوالي 5000 بيظهروا في دائرة الضوء و 500 وصلوا لبطولة grand slam و 50 يصلوا لبطولة الويمبلدون منهم 4 يصلوا للدور قبل النهائي و 2 للدور النهائي و لما أنا مسكت كأس البطولة مسألتش ربنا ليه اختارني أنا !! و النهاردة في مرضي مينفعش و مش صح ان أسأل ربنا ليه أنا يا رب !!
احنا كتير جدا بنتذمر و بنضايق من ربنا لما بنمر بتجربة صعبة أو يحصلنا أي حاجة لكن احنا منعرفش مشيئة الله لينا و لا مستقبلنا اللي هو في ايد ربنا ..
وسط كل الظروف و التجارب و كل اللي بيديهولنا ربنا لازم نتعلم اننا نرضي بيه و نقبله بشكر لأننا مش عارفين ايه هي مشيئة ربنا و لا مدركين ايه هو اللي لصالحنا و ايه اللي ربنا بيختاره لينا ..

" اشكروا في كل شيء لأن هذه هي مشيئة الله في المسيح يسوع من جهتكم " ( 1تس 5: 18 )‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top