اجتمعت مجموعة من الشياطين لمناقشة سبب هزيمتهم قدام مؤمن معين في حروبهم ليه لامتل…

on April 7 | in ArT-FaCe | by | with No Comments

‫اجتمعت مجموعة من الشياطين لمناقشة سبب هزيمتهم قدام مؤمن معين في حروبهم ليه لامتلاك حياته و بعد مناقشات طويلة مقدروش يوصلوا لسبب واضح أو مقنع يوضح ليهم سبب هزيمتهم دي ..
اخيرا وقف واحد منهم و قال أنا افتكرت حاجة مهمة .. أنا لما كنت بروح أحارب الشخص دا كان بيطلع في وشي قطعة سلاح أنا مكنتش بتحملها خالص و كنت بهرب وقتها من قدامه و بتضيع عليا فرصة الانتصار عليه و امتلاك نفسه و حياته و لما قال الكلام دا افتكر بقية الشياطين نفس الحكاية دي انها كانت بتحصل معاهم ..
و هنا لما قدروا يوصلوا لسبب هزيمتهم .. بدأوا يفكروا ازاي يقدروا يواجهوا السلاح دا و بعد مناقشات و مداولات كتيرة اقترح واحد منهم اقتراح نال استحسان و موافقة الجميع و هو انه من اللحظة دي هم مش هيحاربوا الشخص نفسه علي حياته .. هم هيحاربوا الأول الشخص علي قطعة سلاحه و لما ينتصروا عليه في قطعة السلاح ساعتها بسهولة يقدروا يمتلكوا نفسه و حياته ..
عارفين الشخص دا كانت قطعة سلاحه اللي بتحميه ايه ؟؟
قطعة سلاحه كانت ((((( الصلاة )))))
" وخذوا خوذة الخلاص، وسيف الروح الذي هو كلمة الله. مصلين بكل صلاة وطلبة كل وقت في الروح، وساهرين لهذا بعينه بكل مواظبة " ( اف 18:6-17 )
" سيف الروح الذي هو كلمة الله " كلمة الله هي السلاح اللي بيموت الشيطان و الشيطان ميقدرش يتحملها لكن عشان نقدر نمتلك الأسلحة دي لازم ندعم نفسنا بالصلاة و حديثنا مع ربنا اللي بتخلينا علي صلة دايمة بيه و تحت حمايته و الصلاة قادرة جدا وسط أي شدة و ضيق انها تعمل معجزات و تحقق لينا معونة و استجابة سريعة من السما لأنها سلاح فعال جدا ..
عشان كدا الأوقات اللي دايما بنقضيها في الصلاة بتُحارب من عدو الخير و بيعطلها علينا كتير لأن العدو عارف كويس ان المؤمن من غير صلاة كأنه مؤمن من غير إله .. و بيستغل اساليبه دي معانا دايما في حروبه علينا..

+++عشان كدا بنطلب من الجميع رفع صلاة لرب المجد طالبين رحمته و إرسال معونته و تدخله العاجل و أن يحل سلامه في بيوته و بيننا جميعا +++

" أخيرا يا إخوتي تقووا في الرب وفي شدة قوته البسوا سلاح الله الكامل لكي تقدروا أن تثبتوا ضد مكايد إبليس فإن مصارعتنا ليست مع دم ولحم، بل مع الرؤساء، مع السلاطين، مع ولاة العالم على ظلمة هذا الدهر، مع أجناد الشر الروحية في السماويات من أجل ذلك احملوا سلاح الله الكامل لكي تقدروا أن تقاوموا في اليوم الشرير، وبعد أن تتمموا كل شيء أن تثبتوا فاثبتوا ممنطقين أحقاءكم بالحق، ولابسين درع البر وحاذين أرجلكم باستعداد إنجيل السلام حاملين فوق الكل ترس الإيمان، الذي به تقدرون أن تطفئوا جميع سهام الشرير الملتهبة وخذوا خوذة الخلاص، وسيف الروح الذي هو كلمة الله مصلين بكل صلاة وطلبة كل وقت في الروح، وساهرين لهذا بعينه بكل مواظبة وطلبة، لأجل جميع القديسين " ( اف 18:6-10 )

Elmes Edena‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top