ما تقفليش القبر يا امه !! ……………………………. ما تقفليش القبر…

on April 7 | in ArT-FaCe | by | with No Comments

‫ما تقفليش القبر يا امه !!
…………………………….

ما تقفليش القبر يا امه
لسه فيه شهيد
عطشان القبر يامه
لدم قبطى جديد
جوة القبر ضلمة
وصوت بيصرخ قبل العيد
متقفليش القبر يامه
ضاق القبر من اللمة
وعلى بابه قضبان حديد
بردان جوة يامه
والنور بعيد بعيد
متنسيش العيدية يامه
واللبس الجديد
لما تيجى تزورينى
يا ترى هتعرفينى
ولا اتغيرت ملامحى
لمى الباقى من لحمى
وطبطبى على جرحى
وازرعيلى شجرة صبار
وارويها من دمعك
تضلل عليا من شمس النهار
واوعى تنزلينى من ع الصليب
مرتاح هناك يا مه
ومتونس بجراح الحبيب
متقفليش القبر يا مه
و ليه تقفليه ؟
انا مش فيه
دا المسيح قام
وشالنى بين ايديه
مسح دمى
وداوى همى
ونقشنى فى عينيه
ما تقفليش القبر يا امه
علشان انا لسه ………………… مش فيه !!‬

Pope Kirillos VI

Pin It

Leave a Reply

« »

Scroll to top