لما اقتاد الحراس دانيال لـ جب الأسود .. دانيال سمع زئير الأسود دي اللي كانت جعان…

on April 6 | in ArT-FaCe | by | with No Comments

‫لما اقتاد الحراس دانيال لـ جب الأسود .. دانيال سمع زئير الأسود دي اللي كانت جعانة جدا .. لكن دانيال مكانش لوحده هناك ….
و رغم ان كان سامع الأسود و هي بتزأر .. بس بمجرد دخوله عندها صمتت .. لأن افواهها قد أُغلقت .. فقد أرسل الله ملاكه فسد أفواه الأسود و أعطي دانيال سلام و نوم هادئ وسطها ..
انت كمان مهما كان نوع التحدي أو الحفرة اللي بيرميك فيها العدو .. فان الله قادر جدا علي تخليصك و انقاذك .. مهما كان قوة الوحش اللي بيهاجم نفسك و روحك و بيهدد بالتهامك و ابتلاعك فالله قادر جدا علي سد افواهها ..
مهما كنت بتمر بأزمة نفسية .. أو أزمة مالية .. أو حاسس ان الخطية خلاص بتغرقك في أعماقها و انت علي حافة الموت و علي وشك أن يُقضي عليك …
مهما كانت حالتك اللي انت فيها .. فان الله نفسه اللي أرسل ملاكه و سد أفواه الاسود هو معاك انت كمان دلوقتي ..
ممكن اوي نجدة ربنا ما تجيش حالا و في اللحظة !!
حتي دانيال اضطر انه يقضي الليلة في جب الاسود !!
و ممكن انت تكون في موقف شبيه ليه دلوقتي !!
رغم ان ملاك الرب ممكن يكون سد أفواه أعدائك و مُهدديك و حل مشكلاتك .. بس انت لسه حاسس بتهديداتهم وسط الضلمة اللي حواليك !!
لو فعلا دي حالتك فتقوي و تشجع لان الله بيختبر ايمانك و عايز يشوف ايمانك قوي قدام اعدائك و نفس الحال في غيابهم و لا لأ ..
لكن مهما كنت بتمر ب ايه !! لو انت في احلك اوقات حياتك !!
ربنا قادر يخرجك و ينجيك و يقومك من كل سقطة و كل حفرة بتقع فيها ..
مهما كان نوع جُب الاسود اللي انت فيه دلوقتي خليك واثق جدا ان الله هيدبر ليك طريق للنجاة منه …
و هتعدي من الاختبار دا .. و هتخرج من جُب الاسود بشهادة جديدة أمام الله و أمام الجميع :)
Elmes Edena‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top