مين أكتر واحد انت بتتكلم كتير معاه دايما و كل يوم ؟ حد من أصحابك أو عيلتك أو قرا…

on April 1 | in ArT-FaCe | by | with No Comments

‫مين أكتر واحد انت بتتكلم كتير معاه دايما و كل يوم ؟
حد من أصحابك أو عيلتك أو قرايبك ؟
طب جربت انك تتكلم كل يوم مع ربنا و تحكيله كل اللي بتمر بيه ؟؟!!!
جربت تتصاحب عليه أكتر و تقرب و يقرب منك أكتر ؟!!
علي فكرة لازم تكون متأكد ان ربنا بيسمع كل كلمة منك طالعة ليه .. شيل بقي من دماغك الصورة اللي مكونها عن ربنا انه أوقات كتير مش بيسمعلك و مش بيهتم لتوسلاتك !! و انه بيدير ظهره ليك أو انك حد ما تهموش !!
بالعكس ربنا من كتر ما بيحب ولاده بيكون مشدود ليهم جدا و مركز جدا معاهم و عينه مش بيشيلها من عليهم عشان يقدر يلقط أول صرخة ضعف بتطلع منهم …
اتكلم مع ربنا … اتكلم مع ابوك اللي محدش بيحبك و لا هيحبك زيه و اهتم بيه و حسسه انه ليه مكان في قلبك و حياتك ..
احنا دايما بنخيب ظن ربنا فينا .. بنقسي عليه جدا و أحاسيسنا بتتجمد عليه هو و بس !! و بنشيل غيره من ع الارض شيل للأسف !!
و حتي اللي بيحبوا ربنا .. أوقات كتير بيكون مستني يسمع منهم عبارات حب تلقائية طالعة منهم ليه .. بس للاسف كتير بيستني من غير أي فايدة .. احنا بنكسر قلبه أوي …
هو نفسه انك تتكلم معاه و يسمع صوتك مش وقت ما الحزن و التعب يخبط علي بابك بس ..
هو مستني منك انك دايما تتكلم معاه كتييييير أوي….
أمنيته انك تشركه معاك في كل حاجة و في كل الاحداث اللي بتمر بيها حتي لو بسيطة .. في كل تعبك و قلقك و كمان في كل امورك اللي بتفرحك ..
كلامك مع يسوع مش بس هيزود صداقتكم و قربكم من بعض لكن علي الاقل بالنسبة ليسوع ممكن يكون تعويض بسيط جدا جدا عن قلة أصل و قسوة و اهمال عالمي هو بيعاني جدا منه !
Elmes Edena‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top