” الحق الحق أقول لكم من يؤمن بي فالأعمال التي انا أعملها يعملها هو أيضا و يعمل أ…

on March 31 | in ArT-FaCe | by | with No Comments

‫" الحق الحق أقول لكم من يؤمن بي فالأعمال التي انا أعملها يعملها هو أيضا و يعمل أعظم منها لاني ماض الي أبي " (يو 12:14 )
تفتكروا في حد ممكن يعمل أعمال أعظم من يسوع ؟!!!!
اكيد لأ .. يسوع هنا كان قصده أعظم بس مش في " النوع " يعني محصلش في مرة ان حد عمل معجزات أعظم من يسوع .. محدش دلوقتي يقدر يفتح عينين مولود أعمي .. محدش يقدر يقوم حد من الموت .. محدش يقدر يأمر الرياح و العواصف وفعلا تستجيب في الحال لأمره دا ..
لكن كان يقصد هنا انها اعظم في" الزمان " و " المكان " و " التأثير " .. يعني المسيح مدة كرازته علي الارض كانت حوالي تقريبا 3 سنين لكن المؤمنين بيسوع دلوقتي ليهم اكتر من 2000 سنة بيكرزوا …
يسوع في كرازته ما خرجش بره ارض اسرائيل لكن رسله بناء علي أمر منه لفوا العالم كله و بطرس من عظة واجدة بس خلص 3000 نفس ..
كمان دلوقتي هنلاقي عدد المؤمنين بالمسيح وصل تقريبا لاكتر من 2 مليار مع ان عدد المؤمنين بيسوع و هو موجود علي الارض وسطهم كان عدد قليل جدا جدا جدا مقارنة بالرقم ده ..
هي دي الاعمال اللي يسوع اتكلم عنها و قال " الحق الحق أقول لكم من يؤمن بي فالاعمال التي انا اعملها يعملها هو ايضا و يعمل اعظم منها لاني ماض الي ابي "
لازم يكون كل واحد مننا ليه نصيب من الاعمال دي و ناخد بركة و نعمة منها..
اتكلم و احكي عن يسوع في كل مكان و لكل الناس .. يسوع زمان لما كان بيشفي حد كان بيقوله " ارجع الى بيتك وحدث بكم صنع الله بك "
انت كمان زي ما ربنا رحمك و اداك نعمة معرفة المسيح لازم ترحم غيرك من الناس اللي لسه عايشين في الضلمة..
اتكلم عن يسوع في كل مكان و كل وقت و لكل الناس كلمهم عنه بلسانك .. باسلوبك ..بخدمتك .. بأعمالك و تصرفاتك ..
متبطلش ابدا تكلم عن يسووووووووووع
و احنا كمان مش هنبطل يوم نتكلم عن يسوع المسيح :)
Elmes Edena‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top