انت فاكره مبيزعلش لا هو بيزعل زينا بالظبط بيزعل لما بيشوفك بتصحى الصبح تصبح على…

on March 29 | in ArT-FaCe | by | with No Comments

‫انت فاكره مبيزعلش

لا هو بيزعل زينا بالظبط
بيزعل لما بيشوفك بتصحى الصبح تصبح على كل اللى حواليك ومتصبحش عليه هو
مع انه احق

بيزعل لما بيشوفك جاى من بره بتسأل على الاكل والشرب
مع انك المفروض تشكرة لانك وصلت بيتك

بيزعل لما بيشوفك زعلان ومش لاقى حد تتكلم معاه
ومش بتلجأله هو

بيزعل لما بيشوفك هتموت من الحيره لكن مجربتش تسأله

بيزعل
ولا بلاش اكمل
كملوا انتوا ……………­…….

بس عارفين ايه الدليل انه بيزعل
ايه الدليل انه زينا
اصل انتوا نسيته
بس انا احب افكركم
اصله بنى ادم زينا
بنى ادم مخلوط بأله (لاهوت مع ناسوت)

زعل
ايوة زعل لما تلاميذه خانوه
زعل لما اللى حواليه اضطهدوه
زعل لما اصحابه هربوا وسابوة

زعل لما يهوذا سلمه
زعل لما بطرس انكره
زعل لما ولاده صلبوة
زعل ويمكن كمان بكى

مستغربين ليه
وكأنكم اول مره تعرفوة

ما هو من زمان بيقولكم
اللى يزعلكم بيزعلنى

من زمان بيقول انا ابوكم
بس احنا مفيش فايده

زى الابن اللى معندوش دم
بيلجئ لابوة وقت المصلحه وبس
ورغم ان ابوة ديما بيقبله
بيرجع يسيبه
ويلجأله تانى وقت المصلحه
وكأنه خلاص مبيحسش على دمه

اعتبره صاحبك
اللى بتخاف على زعله وبتقدره
ولو مسألتش فى يوم بتبقى خايف من زعله

اعتبره كده وحس على دمك بقى
وروح صالحه

انا عازو اقدم اعتزار من كل قلبي ليك يايسوع … من فضلك سامحني علي جهلي ….. إغفر لابنك
♫ يسووووووع ♥‬

CH12 Magazine

Pin It

Leave a Reply

« »

Scroll to top