مين عايز السما ؟؟ مين يتمني اسمه يكون دلوقتي مكتوب في سفر الحياة ؟؟ لو انت عايز…

on March 26 | in ArT-FaCe | by | with No Comments

‫مين عايز السما ؟؟ مين يتمني اسمه يكون دلوقتي مكتوب في سفر الحياة ؟؟
لو انت عايز تضمن يكون مكان ليك في السما ..
لو تتمني يكون اسمك دلوقتي مكتوب في سفر الحياة ..
قوم حالا اتكلم مع يسوع و احكي له بكل بساطة عن كل اللي جوا قلبك .. عن حزنك و قلقك و فشلك .. عن خوفك و يأسك و تعبك ..
ما تختارش كلامك !! و لا تحفظ و تقرا ليه صلواتك !!
هو بيحبك جدا و عايزك كدا بتلقائيتك و علي طبيعتك .. هو عايز يسمع كل اللي جوا قلبك لانك من غير ما تتكلم هو أكتر واحد عارف ضعفك و ظروفك و خطيتك و حاسس بوحدتك و قلقك و كل اللي بتمر بيه ..
يسوع عايز حاجة واحدة بس دلوقتي .. عايز ياخدك في حضنه !!
انت مش عارف و لا حاسس و لا مقدر أد ايه هو مشتاق ليك !!
من فضلك حالا افتح قلبك و سلمه ليه .. اسند راسك علي كتفه و اطلب منه يدخل قلبك .. يملكه .. ينضفه و يسكن فيه ..
انت مش متخيل مدي جمال و روعة القلب لما يكون يسوع بروحه و بنفسه عايش جواه !!
مش هتكون زي ما كنت تاني !!
معاه هتحس بأجمل و أروع احساس ..
كل حاجة فيك هتتغير .. هتكون خليقة جديدة
بقلب جديد و روح جديدة .. هتكون مختلف و متميز و كلك ثقة و ايمان
هتتغير تماما كل أولويات حياتك و اهتماماتك ..
هتلاقي نفسك مش بتفكر غير في يسوع و بس ..
في بيتك و شغلك و مع كل أصحابك هتلاقيك مش بتتكلم غير عنه ..
هيحاوطك و يغمرك حبه و حنانه و هيخليك ما تشوفش غيره و هتعيش ليه بجد ..
هتتغير كل طموحاتك و أهدافك .. هتتمني كل خطواتك و حياتك تكون ليه و في طريق خدمته
هتلاقي جواك محبة جديدة .. عظيمة و عجيبة !!
محبة تطلب من اجل الآخرين و لا تطلب ما لنفسها !!
محبة بتغفر و تسامح و تخدم كل محتاج بفرح ..
هايتولد جواك ايمان جديد و قوي .. ايمان بيصدق بكل بساطة و واثق بالبركات و الآيات اللي هتتبع المؤمنين من أولاد و خدام يسوع ..
ايمان بيصدق كل وعوده و بيصدق ان كل الأشياء تعمل معا للخير لكل اللي بيحبوه ..
ايمان بأن مهما كانت الدنيا حواليك ضلمة و متلونة بالاسود .. لازم أكيد هتيجي اللحظة اللي هتشرق فيها الشمس و هتملي الدنيا من تاني نور ..
ايمان بيسوع المسيح و بقوته و بانه المخلص الوحيد اللي بيحرر كل خاطي و بدمه بيطهر ..
ايمان بالروح القدس اللي بيه هاتقدر تزرع و تحصد و تبني و تفرح و تغلب كل ضعف جواك ..
بجد يسوع بيحبك جدا جدا و بيتمني تديله قلبك و تسلمه حياتك ..
هو ابدا مش ناسيك .. و دايما واقف مستنيك ..
_______________________
لسه مكملين يا شباب في سفر دانيال اصحاح 3 & 4
شاركوناا :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top