7) كمل يسوع و قاله ” أنا لما كنت مصلوب كان هناك علي يميني لص ! قاتل ! زيك بالظبط…

on March 19 | in ArT-FaCe | by | with No Comments

‫7) كمل يسوع و قاله " أنا لما كنت مصلوب كان هناك علي يميني لص ! قاتل ! زيك بالظبط ! و مكانش قدامه وقت .. مكانش قدامه غير دقايق قليلة .. و كان متعلق معايا .. مصلوب زيي !! مكانش في مقدوره يعمل حاجة .. أي حاجة ! غير انه يجي بقلبه ليا !! و فعلا جالي و اداني كل اللي بيملكه .. اداني قلبه .. قلبه بس !! لانه ايديه الاتنين كانوا متسمرين و جسمه متعلق !! اللص دا اداني كل اللي انا عايزه .. و انت دلوقتي اديتني كل اللي أنا عايزه منك …..
لأني عشان كدا جيت .. و عشان كدا اتصلبت .. عشان حبيتك !!
حبيتك و انت بعيد عني ..
حبيتك و انت ناسيني و مش بتفتكرني ..
حبيتك و انت ببتجاهلني و بتتفاخر وسط الناس انك متعرفنيش ..
حبيتك و انت بتعتبر شغلك و فلوسك و حياتك و الكل أهم مني ..
حبيتك و انت مش بتقرأ كلامي و لا بتكلمني ..
حبيتك و انت بتهملني ..
حبيتك طول الوقت .. و كنت بستناك دايما .. و دايما عايزك ..
و دلوقتي لسه عايزك .. و انت كدا زي ما انت !!
تابعونا‬

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top