تداريب جميلة للصوم ..لأبونا داود لمعى ======================= الصوم فرصة الواح…

on March 18 | in ArT-FaCe | by | with No Comments

‫تداريب جميلة للصوم ..لأبونا داود لمعى

=======================

الصوم فرصة الواحد يتقدم روحيا..دى شوية تداريب اختار تدريب واحد بس

أولاً: تداريب سلبية

v ============
1- صيام اللسان
صوم اللسان خير من صوم البطن..وصوم القلب أحسن من الاتنين
– أضبط لسانك عن خطية معينة زى الادانة مثلا أو إنك تجيب سيرة حد
– إتكلم أقل وعوض دة بصلاة يسوع

2- صيام العين
– قلل التليفزيون
– قلل الفرجة على اللبس فى البروفات مثلا
– متبحلقش فى الناس زيادة سواء ادانة او شهوة..ده جاب العربية دى منين و الفلوس دى منين

3- صيام الاذن
إيه الاخبار اللى بتسمعها؟ اخبار الناس و الدنيا؟ اسمع كلمة ربنا أحسن
امنع نفسك عن سماع كلام غير مفيد

4- صيام البطن
– انقطع فترة عن الاكل..ممكن كل اسبوع تزود ساعة صيام انقطاعى
– قلل كمية الاكل..امنع نفسك تاكل اكتر من احتياجك
– لا تتذمر على الاكل الصيامى

5- صوم الفكر
– امنع مخك من انه يفكر فى امور بلا قيمة
– صوم من فكر القلق
– احصر فكرك فى افكار مفيدة: اية..ترتيلة..صلاة يسوع

ثانيا: تداريب ايجابية
=============
زود درجة روحية فى حياتك

-زود بند الصلاة
– او صلى على مهلك شوية..ركز
– حس بربنا صبح و ليل
– زود صلاة يسوع..قولها و انت طالع على السلالم او فى العربية او لما تقلق من النوم..اول ما تصحى
– القداس..احضر بدري اكتر
– زود قداس
– مطانيات..شوف الخطية الكبيرة بتاعتك و اعملها مطانيات زيادة و اصرخ لربنا
– زود وقت الانجيل
– اصحى بدري اكتر عشان تقرا الانجيل
– ركز فى القراءة و اقرأ الانجيل بتمعن
– متنامش قبل ما تقرا الانجيل حتى لو اية..تبقى اخر حاجة تعملها قبل النوم
– احفظ نص السامرية..المولود اعمى..الخ
– ذاكر الموعظة على الجبل
– واظب على الاعتراف
– اطلع خلوة

– اسأل على حد
– قول كلمة حلوة لكل شخص تقابله
– زود العشور
– الزم نفسك بأي خدمة حتى لو كانت تليفون تسأل على حد
– اعلى بمستوي الرحمة..مش كفاية الخدمة العادية بتاعتك..انضم لخدمات الرحمة زي زيارة مرضى مثلا
– افحص نفسك كل يوم
– اقرأ كتاب روحي او اسمع عظات
– حط طلب معين اطلبه من ربنا طول الصيام بالحاح و جاهد فيه زي صفة من ثمار الروح القدس مثلا
– اسأل الناس اللى حواليك تعبانين منك فى ايه
– حسن علاقتك بكل اللى حواليك زى عيلتك مثلا و ركز انك تتغير

ثالثا: الفضائل
==========
– تدريب الشكر
قول اشكرك يا رب كتير علي كل حاجة
– المتكأ الاخير
اى قعدة خدم انت على الناس ..خليك فى الاخر مش فى الاول
– صلي للى مش بيحبوك
– قاوم طبعك الغضوب..الحاجات اللى بتستفزك ابلعها
– راقب افكارك..ممكن تكون بتعمل من الحبة قبة
– راجع اليوم كله
احسانات الله..و اشكره عليها
ان اخطأت فى ايه(توبة و تدقيق)
– اي وقت تشعر فيه بالوحدة اقعد مع ربنا قول مزامير..صلاة يسوع..

كاتى‬

Fans of "The Cross"

Pin It

Leave a Reply

« »

Scroll to top