آخر حوار أرضي بين قداسة البابا ورب المجد

on March 16 | in ArT-FaCe | by | with No Comments

‫آخر حوار أرضي بين قداسة البابا ورب المجد‬


Timeline Photos
آخر حوار أرضي بين قداسة البابا ورب المجد
"مجرد حوار تأملي يعكس حب سيدنا لنا"
تأليف : ميلاد نبيل
" المنظر لقداسة البابا شنودة في سريره يتوجع بعض الشيء ثم يتحامل علي نفسه ممسكا بعصا الرعاية ومتكئا عليها إلي أن يقف أمام رب المجد "
سيدنا : ربي ومخلصي يسوع المسيح لسه يارب مش عاوزني آجي بقي وأتنعم بالقرب جنبك أنا من ساعة مخرجت للدير وأنا نفسي في إني ألقاك
رب المجد : خلاص ياحبيبي شنودة إنت قربت تبقي جنبي وجنب كل البطاركة اللي سابوك والقديسين وحبيبك الأنبا بيشوي
سيدنا : ياه يارب دايما كنت بقول لي إشتهاء أن أراك ,, بس يارب ولادي يارب ولادي إزاي أسيبهم والجو في مصر مش كويس
رب المجد : ياحبيبي أنا بسميك رجل المهام الصعبة عشان كدة كنت موجود في عصر السادات ومبارك وكان ليك دور وقدمته علي أعلي مستوي
سيدنا : أيوة يارب كان كله بنعمتك بس برده ولادي هيزعلوا وهيخافوا
رب المجد : زي مادبرتك ليهم هدبر خليفتك بنفسي
سيدنا : أيوة يارب ليكن بحسب قلبك يارب الراعي القادم خليه يرعي الكنيسة بالبر ويهتم بكنائس المهجر وكل كنائسنا في كل مكان
رب المجد : ياه ياحبيبي بقي في كل تعبك ده بتفضل راحة ولادك علي راحتك
سيدنا : لإنهم ولادك إنت يارب وأنت أعطيتني إياهم
رب المجد : متقلقش ياحبيبي إنت عملت اللي عليك وزيادة وجه الوقت اللي تكافيء فيه وترتاح من كل الهموم والمشاكل وبعدين ماهم هيفضلوا ولادك بس بدل ماتصليلي وإنت مش شايفني هتصليلهم وإنت قدامي
سيدنا : لتكن مشيئتك يارب ولكن أرجوك يارب فلتعزيهم يارب وترسل له راعي بحسب قلبك
رب المجد : إنت كنت دايما بتقول "كله للخير" وده هيحصل ياحبيبي هبعتلهم راعي كويس وكمان رئيس كويس إنت نسيت "مبارك شعبي مصر"
سيدنا : لا يارب عمري منسيت وكنت دايما بقولهم ربنا موجود ومسيرها تنتهي
رب المجد : حضر نفسك بقي ياشنودة ياحبيبي عشان ده هيكون اخر حوار أرضي بيني وبينك
سيدنا : ارجوك يارب عزي ولادي الرهبان والأساقفة والمطارنة والعلمانيين وكل فرد في الشعب وإعط الرخاء لمصر
رب المجد : مصر في قلبي كفاية إنها أكتر بلد جتلي منها قديسين وإنت أهو أخرهم
سيدنا : ياه يارب بقي عاوز تساويني أنا بالقديسين العظام دول
رب المجد : بكرة ياحبييبي لما تشوف محبة الناس ليك وتوافدهم بالملايين عشان يشوفوك هتعرف أد إيه إنت قديس
سيدنا : مين ده يارب ده لولا رحمتك وعفوك يارب مكنتش نجيت بسبب خطاياي
رب المجد : خلاص بقي إنسي الخطية إنت دلوقتي هتتشفع للخطاة ومزارك في دير الانبا بيشوي هيبقي مليان بإستمرار
سيدنا : كمان هيتعملي مزار أهم حاجة يارب الشعب إللي إدتهولي متسيبهوش يارب
رب المجد : منقوشين علي كفي
متزعلوش ياولاد ربنا سيدنا بقي بيصليلنا أكتر بس وهو قدام عرش النعمة
ميلاد نبيل 20 – 3 – 2012

Fans of "The Cross"

Pin It

Leave a Reply

« »

Scroll to top