ناس كتير جدا دلوقتي بنسمعهم بيتكلموا عن الله لكن كلماتهم دي مش بتقابل اي اهتمام…

on March 15 | in ArT-FaCe | by | with No Comments

‫ناس كتير جدا دلوقتي بنسمعهم بيتكلموا عن الله لكن كلماتهم دي مش بتقابل اي اهتمام وبتكون بدون اي قوة مؤثرة و دا لان الكلام اللي بيرددوه مش " كلام الله " لكن هو " كلام عن الله " و في فرق كبير بين الاتنين …
العالم حوالينا في وقتنا دا مليان بالكلمات اللي بتتكلم عن " ربنا " لكن الكلمات دي مش حاجته الحقيقية …
لكن الاحتياج الحقيقي للعالم هو في " رؤية الله "
هو مش في احتياج انه يسمع عن " قوة الله " هو محتاج أكتر يشوف بنفسه قوة الله دي ممكن تعمل ايه فعليا علي ارض الواقع …
العالم مش محتاج يسمع عن " سلام الله " هو محتاج اكتر يشوف بنفسه و يلمس ازاي سلام الله كان بيحفظ تلاميذه هادئين بدون اي انزعاج أو اضطراب مهما كانت الظروف اللي حواليهم خطر و عدم آمان ..
العالم مش محتاج يسمع عن " فرح الله " هو في احتياج أكبر انه يشوفه بعينيه و يحس بقلبه و يجرب احساس الفرح الحقيقي نابع من اعماقه, مشع جواه و لكل اللي حواليه ..
احنا كلنا في احتياج شديد جدا يسكننا القوة و السلام و الفرح الحقيقي ..
احنا كلنا في أشد الاحتياج ليسوع و محتاجين جدا نلمس بنفسنا قوة كلامه المقدس جدا اللي بجد فعلا هو " القوة الحقيقية " ..

مكملين معاكم يا شباب اجمل الاوقات في قراءة الكتاب المقدس
مكملين في سفر " هوشع " اصحاح 7 & 8
يالاااااااااااا كلنا نستمتع باحساس الفرح و السلام و القوة الحقيقية مع يسوع :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top