لو ربنا خيٌرك في يوم بينه و بين أي حاجة أو أي حد عزيز عليك جدا!! انت هتختار مين…

on March 15 | in ArT-FaCe | by | with No Comments

‫لو ربنا خيٌرك في يوم بينه و بين أي حاجة أو أي حد عزيز عليك جدا!!
انت هتختار مين ؟؟؟
فاكرين لما ربنا طلب من ابراهيم و قاله :
" خذ ابنك وحيدك الذي تحبه اسحق واذهب إلى ارض المريا واصعده هناك محرقة على أحد الجبال الذي أقول لك " ( تك 2:22 )
ياااه اختيار و اختبار صعب جدااا .. ربنا كان عايز يقوله من الاخر كدا " يا تري انت بتحبني و لا بتحب اسحق ابنك اكتر مني ؟؟!! "
طيب يا رب ده انت أكتر واحد عارف ان اسحق دا هو ابنه وحيده اللي جه بعد طول انتظار و سنين كتير و أكيد ابراهيم بيحبه جدا !!
ليه بتطلب من ابراهيم طلب صعب اوي كدا و تحطه في موقف صعب و قدام اختيار أصعب !!
لكن ابراهيم بكل ثبات اختار " الله " أولا و اسحق ابنه حبيبه جه بعد " الله " و رفع ابراهيم بالفعل السكين و نجح في الاختبار اللي ربنا وضعه فيه ..
ابراهيم رفع السكين علي ابنه و كأنه بيرد علي ربنا و بيقوله :
" أنا بحبك يا رب و هفضل أحبك أكتر من أي حاجة في الكون حتي لو فقدت ابني و كل شيء غالي عليٌ "
يا تري انت كمان لو ربنا حطك في تجربة صعبة و طلب منك ابنك أو اي شخص عزيز عليك أو حاجة ما تقدرش تستغني عنها …اجابتك عليه هتكون ايه ؟؟!!!
أنا عايز كل واحد فيكم يرجع لـ ورا بشريط حياته و يفتكر كدا كام مرة ربنا حطك في اختبار زي اختبار ابراهيم أو قدام اختيار شبيه ب دا … و افتكر كدا انت وقتها اتصرفت ازاي و اخترت مين أو اخترت ترضي مين !!
ربنا دايما بيدينا تجارب صعبة يمتحن بيها ايماننا بيه و حبنا ليه …
امتحانات ربنا كتير .. خليك دايما مستعد و انت واثق من اجاباتك اللي فعلا نابعة من جوا قلبك مش من لسانك !!
عشان تقدر تنجح زي ابراهيم :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top