قصيده …(حقق هدفك)…………أكرم شحات orsozox page goka

on March 8 | in OrSoFaCe | by | with No Comments


قصيده …(حقق هدفك)…………أكرم شحات
orsozox page
goka


Timeline Photos
قصيده …(حقق هدفك)…………أكرم شحات
by Akram Shahat Abdo ·

اوعي تصدق حد في مره

يجي يقولك انك نحس

ولا حياتك فاشله ومره

كمل في طريقم متقفش

اياك تسمع يوم كلماتهم

او يجي يوم وتصدقها

دا الورده ان حضنت يوم شوكها

هيلف عليها ويخنقها

خليك جامد زي الموجه

متسبش الشط يوقفها

واجري في عز البرد وكمل

هيجيلك وقت وتتدفي

اصبر علي هدفك واتحمل

لو صممت اكيد راح يحصل

هو الميت ميل ايه غير خطوه

بيها تبدا وتكمل توصل

متخليش يأسك يحتلك

ركز علي هدفك بعنيك

عيش بايمانك جمد قلبك

بكره اكيد من صنع ايديك

ارسم بايديك انت طريقك

مش بايدين الناس حواليك

صدق قلبك خليه صديقك

واهدي وركز بس عليك

لو عجبتك متبخلش عليا بالنشر :)
وللمزيد صفحتنا @[458980977490073:274:كتابات اكرم شحات] اشترك فيها
http://www.facebook.com/KtabatAkramshahat
a.s.a

أكرم شحات

orsozox page

Pin It

Leave a Reply

« »

Scroll to top