انا بحبني .. :))) بقلم / راوي عزيز orsozox page mirno

on March 8 | in OrSoFaCe | by | with No Comments

‫انا بحبني .. :) ))
بقلم / راوي عزيز
orsozox page
mirno


Timeline Photos
ساعات بوحشني ..
عشان .. قال ايه مخاصمني ..
بحجة اني مش شبهي …
واني عايز اهج مني ..
فباجي لنفسي ..
واطبطب عليا واصالحني ..
وأقرب مني ..
وأرغي معايا وأعاتبني ..
باخدني علي جمب كدة واوشوشني ..
بحس ان عايز احضني ..
واني مش عاوز اسيبني ..
بحس بجنان بس جناني مريحني ..
باخد وأدي معايا .. واتأسفلي …
واخدني علي قد عقلي واهودني ..
لو طولت عليا لساني ..

اصل انا اللي ليا في الدنيا ..
ومش هاخبي حاجة عليا ..
واخر مرة هزعلني ..
مش نقصا دكتور نفساني !! يجنني ..
علي ايه افلسع مني .. انا حاببني ..

اقولكم .. !!
نفسي افرح بيا ..
وأباركلي ..
ازغرطلي .. واهيصلي ..
وأرقصلي ..
وأعمل فرح ..
ولوحدي اعزمني .. وأنقطني ..
واعمل عيد ميلااااد لعمر جديد انكتبلي ..
وطورتاية فيها شمعاية وحدة ..
عشان محدش يحسدني ..
انا بحبني .. :) ))

" راوي عــــزيز "

orsozox page

Pin It

Leave a Reply

« »

Scroll to top