تخيل كدا انك عندك طفل كسول جدا في كل حاجة حتي مش عاوز يتعب نفسه في التفكير, ذكائ…

on March 6 | in ArT-FaCe | by | with No Comments

‫تخيل كدا انك عندك طفل كسول جدا في كل حاجة حتي مش عاوز يتعب نفسه في التفكير, ذكائه طبيعي و كل حاجة بس مش عاوز يتعلم و لما تكلمه مش عايز يسمعلك و لا عايز يتعلم ازاي يعرف يتكلم صح ..
رافض يروح مدرسته زي باقي الاطفال عشان يتعلم و عايز بس يفضل قاعد مرتاح كدا من غير أي هدف ..
انت هتكون فرحان لو عندك طفل كدا ؟؟؟
أكيد لأ .. لو كان الطفل دا مريض أو معاق كنا ممكن نستوعب تصرفاته دي و كان ربنا هيدينا محبة كبيرة اوي ليه و حنان و صبر عليه ..
لكن لو كان الطفل بيتعمد كسله و سلبيته دي وقتها أكيد هيكون لينا الحق ان احنا نضايق جدا منه و ما نوافقش علي التصرفات دي !!
كتير أوي من ولاد يسوع بيكون عندهم نفس نوع الكسل دا مش مسألة كسل جسدي لكن المشكلة الكبيرة في | كسل التفكير |
ممكن اوي تكون انت مش منهم لانك بتجتهد و حريص علي فهم و دراسة كلام الله ليك و تطبيقه عمليا في حياتك ..
لكن في غيرك كتير كسلان جدا
بيكون عارف الله و ممكن يكون بيروح الكنيسة بانتظام لكن مش بيستخدموا كل غني و نعم الله اللي وفره ليهم ما اتعلموش ازاي يسمعوا صوت ربنا .. و لا ازاي يتكلموا معاه بصلاتهم مش حريصين انهم يدرسوا كلام الله .. مريحين دماغهم دايما و بيسمعوا اي حاجة تتقال ليهم و بيقبلوها من غير ما يناقشوها أو يفهموها مع ان ممكن جدا يكون اللي بيسمعوه ده تعليم مش صح ..
بيكونوا سلبيين جدا مبيحاولوش ياخدوا أي خطوة .. مش بيعملوا أي حاجة أبدا غير انهم واقفين في مكانهم من غير أي حركة
يا تري في حد منكم يعرف ناس كدا ؟؟
لو انت عارف حد كدا لازم تساعده لأنك انت القوي و هو الضعيف
الكتاب بيقول :
" فيجب علينا نحن الأقوياء أن نحتمل أضعاف الضعفاء، ولا نُرضي أنفسنا. فليُرضِ كل واحد منا قريبه للخير لأجل البنيان " ( رو 2:15 -1)
علمه يقرا .. علمه ازاي يصلي و يتكلم مع ربنا .. علمه ازاي يدرس في الكتاب المقدس و يفهم كلام الله .. علمه ازاي يطبق معرفته و فهمه لكلام الله لان الحكمة مش في الفهم و الحفظ بس الحكمة بتكون في معرفة امور ربنا و تطبيقها في حياتنا ..

مكملين معاكم يا شباب في سفر الامثال اصحاح 29 و 30 و 31
شاركونا مع كل اللي تعرفوهم .. يالاااااااااااا شجع كل اللي حواليك و خرجهم للنور :)

Elmes Edena Band ♫♫ ♫♫ فريق إلمس إيدينا

Pin It

Leave a Reply

« »

Scroll to top