جالي وقالي ياصاحبي انا اخوك لو احتجت في يوم حاجه مني قول واياك تلجئ لبنوك…

on March 3 | in OrSoFaCe | by | with No Comments

‫جالي وقالي ياصاحبي انا اخوك
لو احتجت في يوم حاجه مني
قول واياك تلجئ لبنوك
قولتله شكرا صاحبي حبيبي
عارف انك شهم اصيل
اللي معاك بتحطة في جيبي
حتي ان كان الدخل قليل
مرت ايام ويا شهور
ولقيت نفسي في أزمة مالية
قولت مفيش غير صاحبي سرور
وحده اللي هيتصدر ليا
رحت لبيته شكيت وحكيتله
علي مشكلتي ويا ظروفي
فجأة لقيته اصفر وكش
وقال لمراته الشاي لضيوفي
ضحكت في سري وقولت ضيوف ؟
مانا من كام يوم كنت الأخ
اللي يعيش في الدنيا يشوف
ناس فعلا عايزالها الطخ
يوم ماتشوف انها محتاجه
تهلك نفسك بس عشانها
ويوم مابتطلب منهم حاجه
يعملوا فيها جايين من بنها :)

مايكل سامي
محبي اعمال وكتابات مايكل سامي

orsozox page

Pin It

Leave a Reply

« »

Scroll to top